Дьааҥыга Саха театрын гастрола саҕаланна
Олунньу 19 күнүгэр Дьааҥыга Платон Ойуунускай аатынан Саха академическай театрын гастрольнай бөлөгө кэллилэр. Саха тыйаатырын артыыстарын улуус баһылыга Владислав Иванов көрүстэ. Владислав Михайлович бастакынан Саха театра Дьааҥыга гастроллуу кэлбиттэригэр махталын биллэрдэ. Уонна Саха театра улууска ыалдьыттыыра Дьааҥы дьонугар - сэргэтигэр улахан үөрүүнү, дуоһуйууну аҕалыа, улуус нэһилиэктэрин улаханнык сэргэхситэригэр эрэнэрин биллэрдэ. Дьааҥыга сүүрбэччэ сыл буолан баран гастроллыы кэлбит Саха театрын труппатын үлэтэ утүө түмүктээхтик барарыгар эрэлин тиэртэ. Саха тыйаатырын гастрольнай труппатын Саха Республикатын үтүөлээх артыыһа, Россия Федерациятын государственнай бириэмийэтин лауреата Иннокентий Луковцев салайар. Драмтруппаҕа Республика үтүөлээх артыыһа, Россия Федерациятын государственнай бириэмийэтин лауреата Айаал Аммосов, Республика норуодунай артыыската, Россия Федерациятын үтүөлээх артиската Елена Сергеева - Румянцева, драма артистара Сергей Баланов, Ньургуяна Шадрина, Эдуард Захаров, Александр Захаров, Анастасия Иванова, Григорий Иванов, тыас светоператор Егор Иванов бааллар. Гастрольнай труппа Дьааҥы көрөөччүлэригэр Сиэн Окор Сайылык" драматын уонна В. Красногоров Таптаа, миигин таптаа" комедиятын оонньоон көрдөрүөхтэрэ.
Саха театрын гастрольнай труппата улууска олунньу 19 күнүгэр дылы үлэлиэхтэрэ.