Ийэ тыл уонна сурук - бичик күнүнэн ытыктабыллаах Дьааҥы дьонун.
Ийэ тыл уонна сурук - бичик күнүнэн ытыктабыллаах Дьааҥы дьонун - сэргэтин эҕэрдэлиибин! Ийэ тыл, сурук - бичик диэн биһиэхэ барыбытыгар Ийэ эмсэҕин, Ийэ сылаасын, Ийэ тапталын курдук биһиктэнэн, арчыланан, иитиэхтэнэн тахсар төрүт эйгэбит, тыын тутаахпыт, олохпут оҥкула, омук - киһи буолар айылҕыбыт төрдө буолар. Дьааҥы улууһа былыр - былыргыттан Саха Ийэ тыла - тыына уйаланан кэлбит биир ытык сирэ буолар. Дьааҥы сирэ Саха олоҥхотун биир уратылаах түөлбэтэ этэ. Сахалыы сурук - бичик, литература сайдыытын сылларыгар Дьааҥыттан Моисей Ефимов, Басылай Дедюкин, Христофор Горохов, Степан Юмшанов курдук Саха улахан литературатын түөлбэтигэр ааттара олохсуйбут, Ийэ тылы, суругу - бичиги арчыласпыт, айбыт - улэлээбит дьоннордоммуппут. Бүгүннү күннэ Ийэ тылы, суругу - бичиги арчылыыр, тыынныыр эйгэҕэ Дьааҥы сирин үгүс элбэх суруйар, ыллыыр, этэр - тыынар, айылҕаттан айдарыылаах дьоно - ыччата бааллар. Литератураҕа, төрүт культураҕа, журналистикаҕа, үөрэх эйгэтигэр, ырыа - тойук туонатыгар, наукаҕа ситиһиилээхтик, тахсыылаахтык улэлииллэр, айаллар - суруйаллар, этэллэр - тыыналлар. Өссө төгүл биһигини барыбытын Ийэ тыл уонна сурук - бичик күнүнэн сүгүрүйэн туран эҕэрдэлиибин. Ийэ тылбыт эйгэтэ, сай салгына Уйэлэргэ салҕана - алгыстана турдун! "Дьааҥы улууһа" муниципальнай тэриллии дьаһалтатын баһылыга В. М. Иванов