Новгородов алфавитынан диктант.
Олунньу 10 күнүгэр Баатагайдааҕы киин библиотекаҕа сахалыы сурук - бичик күнүгэр аналлаах тэрээһин буолла. Библиотека кыраайы үөрэтэр отделын үлэһитэ, республика олонхоһуттарын реестригэр киирбит Саргылана Семеновна Слепцова көгүлээһининэн С. А. Новгородов алфавитыгар олоҕуран латыын букватынан сахалыы диктаны суруйуу буолла. Бу тэрээһин С. А. Новгородов айбыт латыынныы саха алфавита ааспыт 20-с үйэ 20-с сылларыгар олоҕура киирэ сылдьыбыт, сахалыы үөрэххэ , сурукка, бэчээккэ, литератураҕа биир бастакы төһүү буолбут историческай кэрчик кэми санаан ыларга ананна. Тэрээһин кыттыылаахтарыгар анал туоһу сертификат туттарылынна. Тэрээһини Розалия Михайловна Находкина Дьөһөгөй сиэлинэн улэлэр" уонна Христина Иннокентьевна Григорьева " Украшения из бисера - Северные узоры" диэн бэйэлэрин оҥоһуктарын быыстапката киэргэттэ.Киин библиотека кыраайы үөрэтэр отдела маннык тэрэһиннэри, саха суругун-бичигин историятыгар аналлаах диктаннары,кэпсэтиилэри салгыы ыытар былааннаах
В. Кривошапкин