ДЬААҤЫ КЫРДЬАҔАС КУОРАТЫТТАН ИСТИҤ ЭҔЭРДЭ -АҺЫМАЛ ААХСЫЙАТА
Верхоянскай куорат орто оскуолатын кэллэктиибэ Сартаҥҥа кэлэн сүрдээх истиҥ уонна иһирэх кэнсиэр, көрсүһүү киэһээтин бэлэхтээн ааста.
Бу дьыл олунньу 8 кунугэр , 2 этээстээх дьиэлэрэ уокка былдьаммытын туһунан суоһар сурах улууһу биир гына аймаабыта. Элбэх ыал, кыһын ортото дьиэтэ-уота суох хаалбыттарын эппиттэрэ. Олор быыстарыгар Сартаҥҥа уһуннук үлэлээбит ,кийиит Федорова- Аммосова Т. дьиэтэ эмиэ эмсэҕэлээбитин эппиттэрэ.Киһи хараастар ыар быһылаана, олорор алаһа дьиэтэ былаҕайга былдьанара хайа да түгэҥҥэ олус хомолтолоох , хоромньулаах уонна доруобуйаҕа охсуулаах
ыарахан түгэн үүммүтүн чахчыта да өйдөөннөр ,өйөөннөр, илиилэрин утары уунан көмөлөһүөн баҕалаах Сартаҥ нэһилиэк дьоно култуура киинин дьиэтигэр толору кэлэн сэмэй кылааттарын киллэристилэр . "Көмө дьааһыга" ким эбии көмөлөһүөн баҕалаахха ууруллубута ,төһө суумма уопсайа кэнсиэртэн уонна аһымалтан(дьааһыкка) киирбитин (Сартаҥ орто оскуолатын кэллэктиибэ эмиэ көмөлөспүт буолуохтаах(?), Т.Федорова Верхоянскай оскуолатын завхоһа этэ) эппиттэрэ.
Киһи олоҕор сүрдээх уустук түгэннэр күүппэтэх өттүттэн кими талбыт хаарыйыахтарын сөп.
Хас биирдии ырыа, үҥкүү, сыаҥка кэнниттэн ытыстарын тыаһын харыстаабакка, дохсуннук таһынан, сытыытык иһиирэн, ыһыытаан -хаһыытаан олорор
көрөөччүлэртэн киһи сүргэтэ көтөҕүлүннэ ,санаата көнньүөрдэ, ыалдьыттар да астыннылар . Сартаҥ нэһилиэк дьоно сүрдээх актыыбынайдарын, улгумнук аахсыйаҕа кыттан, көмөҕө өйөһөн , омуна суох сүүһүнэн киһи тоҕо анньан ааспытын , илиитин утары уунан көмөлөспүтүн хайдах эрэ олус долгуйа ылынным уонна махтана санаатым.
Кырдьаҕас Дьааҥы куораттан кэлэн кыһалҕалаахтарга көмө аахсыйа оҥорон ааспыт орто оскуола кэллэктиибигэр сиртэн халлааҥҥа тиийэр үрдүк бокулуон баараҕай баһыыба буолуохтун!
Сырдыгынан сыдьаайар, алгыһынан алтыһар,
үтүө өйөбүлүнэн ахтыһар
айыы кыһалаах кэллэктиипкэ ситиһиилэри баҕарабын.
Стручкова Г.С.- ТАБАЙААНА