"Эйэ, Үлэ, Маай!" күнүгэр аналлаах тэрээһиннэр саҕаланнылар

"Эйэ, Үлэ, Маай!" күнүгэр аналлаах тэрээһиннэр саҕаланнылар.

Саас... Төрөөбүт дойдум сааскы чаҕылхай сырдык күнэ... Бу күннэргэ Маай бырааһынньыга эйэ холууптарын көтүтэр кэмнэрэ.
Кэрэтиэн Төрөөбүт дойдубут сааскы сөрүүн салгына, сылааһынан сыламныыр сырдык күнэ. Ама ким долгуйбат буолуой бу кэрэ дьикти дьыл кэмиттэн? Биһиги бу сааскы ылааҥы күннэргэ, Баатаҕай орто оскуолатын "Күн " түмсүүтүн оҕолоро Маай бырааһынньыгын көрсө, бу күҥҥэ аналлаах тэрээһиннэри, кылаастарынан сылдьан, ыалдьыттаан бэрт көтөҕүүлээхтик, үөрэ - көтө саҕалаатыбыт.
Кыра кыралаан "Үлэнэн дьоллонобут", "Дьааҥыбыт киэн туттар дьонноро" , "Дьоруойдары умнубаппыт", "Бэтэрээннэрбитин айхаллыыбыт, кинилэргэ сүгүрүйэбит ", "Суох буоллун сэрии, туругур Эйэ!" диэн тиэмэлэргэ остуол тула сэһэргэһэбит, иһитиннэриилэри оҥоробут.
Маай бырааһынньыга, олохпут чэлгийэ сайдарыгар, эйэлээх олоҕу түстүүрбүтүгэр, үлэни өрө туппутунан, үүнэ - сайда турарбытыгар сырдык суолу сирдиир күммут буоларын бары билэр буолуохтааххыт. Биһиги эбээлэрбит, эһэлэрбит олус долгуйа күүтэр күннэрэ этэ. Эйэ, Үлэ, Маай күнүн кэнниттэн салгыы Улуу Кыайыы күнүн бэлиэтииллэрэ, параадтарга кыттыыны ылан эйэлээх, дьоллоох олоҕу уруйдууллара -айхаллыыллара.
Маай бырааһынньыга эйэни түстүүр үлэһит норуот күнэ. Үлэни өрө туппут норуот хаһан да кэхтибэт аналлаах.
Бука бары, оҕолуун - улаханныын кэлэр эйэлээх олох туһугар хас биирдиибит сүбэбитин түмэн үлэлиэҕиҥ, үүнүөҕүн - сайдыаҕын, норуоппут кэлэр кэскилин уһансыаҕыҥ!

Эйэ, Үлэ, Маай
күнүнэн!
Модун күүстээх күммүтүнэн!
Бука барыгытын эҕэрдэлиибит,
Баҕарабыт дьоллоох, эйэлээх олоҕу !

Слепцов Павел,
ГороховСтепан,
Баатаҕай орто оскуолатын 8 "В" кылааһын үөрэнээччилэрэ.

30.04.26 сыл.