Директор сүбэһитэ Табалаахтааҕы модельнай библиотекатын үлэһитин Туяра Анатольевна Семенованы кытта бииргэ, үөрэнээччилэр активын көмөтүнэн, «Сыыппара үйэтигэр кинигэни...

Директор сүбэһитэ Табалаахтааҕы модельнай библиотекатын үлэһитин Туяра Анатольевна Семенованы кытта бииргэ, үөрэнээччилэр активын көмөтүнэн, «Сыыппара үйэтигэр кинигэни ааҕар тоҕо суолталааҕый?» диэн ааттаах мөккүөрү (дебаты) тэрийдилэр. Тэрээһин сыалынан улахан кылаас оҕолоругар сыыппараҕа көһүү кэмигэр киһи тус бэйэтин сайдыытыгар ааҕыы суолтатын туһунан дириҥ өйдөбүлү үөскэтии буолар.
Тэрээһин дебат сүрүн быраабылатынан ыытылынна .
Бу курдук тэрээһиннэр биһиги ыччаппыт өйүн-санаатын сайыннаралларыгар, олоххо саҥа көрүүлэри арыйалларыгар улаханнык көмөлөһөллөр. Дьиҥинэн, сыыппара сайдыытын кэмигэр кинигэни ааҕыы – бу киһи дууһатын, өйүн-санаатын баайын, дириҥин харыстыырга саамай сүрүн суол буолар. Оҕолор бу дебакка кинигэ күүһүн, тыл-өс уратытын өйдөөбүттэрэ буолуо диэн эрэнэбит! Оҕолор библиотекаҕа кэлэн, саҥа кинигэлэри тута билсэн, ааҕарга ылан бардылар.