*Билии күнэ – саҥаны саҕар, үөрэххэ угуйар, көһүтүүлээх, бэлэми эрэйэр күн

*Билии күнэ – саҥаны саҕар, үөрэххэ угуйар, көһүтүүлээх, бэлэми эрэйэр күн. Бу күн оскуола боруогун аан маҥнай атыллаан киирэр кырачааннарга, дьоһун ­бэйэлээх үөрэнээччи аатын сүкпүт оҕолорбутугар ордук ­долгутуулаах.*
Бүгүн биһи оскуолабыт аана тэличчи аһылынна, билии дойдутун киэн эйгэтигэр аартыктары арыйар үөрүүлээх күммүт үөрүүлээх арыллыыта саҕаланна. Уруйдуу-айхаллыы ытыс тыаһынан көрүстүбүт билии киэҥ аартыгын арыйа, саҥа суумкаларын сүгэн,сибэкки тутуурдаах, элбэх билиини иҥэринэр күүстээх баҕа санаалаах, үөрэнээччи үрдүк аатын сүгэ кэлбит Табалаах орто оскуолатын маҥнайгы кылааһын үөрэнээччилэрин, кинилэри билии киэҥ дойдутугар арыаллаан иитиэҕэ — үөрэтиэҕэ маҥнайгы учууталлара «Учууталлар учууталлара» бэлиэ хаһаайката Мария Николаевна Слепцова. Саҥа үөрэх дьылынан, билии күнүнэн эҕэрдэтин тиэртэ уонна биһиги 13 кырачаан о5олорбут маҥнайгы кылааспытын киирбиттэрин туоһулуур бирикээһин оскуола директора Григорий Григорьевич Горохов. Элбэх үөрүүлээх э5эрдэ тыллар этилиннилэр: Табалаах нэһилиэгин баьылыга Анна Вениаминовна Рожина, Табалаахтааҕы оҕо уһуйаан аатыттан Мария Владимировна Титова, Табалаахтааҕы олох-дьаһах хомунаалынай хаһаайыстыба маастара Павел Сергеевич Лебедев, Саха сирин быыһыыр сулууспатын пресс секретаря, Россия суруналыыстарын союһун чилиэнэ Саргылана Дмитриевна Ильина уонна быйылгы үөрэх дьылын выпускниктара 11 кылаас үөрэнээччилэрэ.
11 кылаас үөрэнээччилэригэр, выпускниктарбытыгар быйылгы үөрэх сыла үгүс үөрүүнү — көтүүнү, умнуллубат тугэннэри, эппиэтинэстээх биир кэлим экзаменнарга ситиһиини эрэ аҕаллын диэн баҕа санаабытын тиэрдэбит.
Бу үөрүүлээх күн Маҥнайгы кылаастар элбэх сэмэй бэлэхтэри туттулар. Элбэх оҕолоох ыал оҕото маҥнайгы кылааска киирбитинэн АО "Полиметалл" хампаанньа толору үөрэх маллаах рюкзак бэлэҕин сүктэ Айтал Слепцов, ону таһынан бүгүҥҥү күн буруйдаахтарыгар Дьааҥы оройуонун баһылыга В.М. Ивановтан, Дьааҥы оройуонун уорэҕириитин салалтатыттан бэлэх туттулар. 11 кылаас үөрэнээччитэ Лилия Потапова Манчаары оонньууларыгар ситиһиилээхтик кыттыбытын иһин олохтоох дьаһалта Анна Вениаминовна махтал сурук уонна быйылгы 2025 сыллааҕы убаһа бэлэх туттарда. Лилия тренеригэр Горохова Анна Львовнага 30 тыһыынчалаах сертификат туттарда. 10 кылаас уорэнээччитигэр Данил Эверстовка оскуола директора Григорий Григорьевич СР Тыатын хаһаайыстыбатын миниистирин аатыттан сертификат туттарда.
Быйылгы 2025-2026 үөрэх дьылын маҥнайгы чуораанын тыаһатарга чиэс бэрилиннэ маҥнайгы кылаас үөрэнээччитигэр Аэлина Гороховага уонна 11 кылаас үөрэнээччитэ Ася Прудецкая.
Күндү үөрэнээччилэри, учууталлары, төрөппүттэри *Балаҕан ыйын 1 күнүнэн — Билии күнүнэн уонна саҥа үөрэх дьыла саҕаламмытынан эҕэрдэлиибит!*
Күндү үөрэнээччилэрбит, билии аартыгынан хардыылаан, саҥа үрдэллэргэ дабайаҥҥыт ситиһиилээх дьон буола улаатын.
Төрөппүттэргэ тулууру баҕарабыт, оскуоланы кытта тэҥҥэ оҕолор сайдалларын, бэйэлэрин талааннарын, ураты дьоҕурдарын арыйалларыгар үлэлэһиэххит диэн эрэнэбит.
Ытыктабыллаах учууталлар! Эһиги талбыт идэҕитигэр бэриниилээххитинэн киэн туттабыт, талааҥҥыт саҥа таһымҥа тахсан истин, өссө үрдүк ситиһиилэр кэлэ турдуннар.
*Билии күүһэ чыпчаалга тиэрдэр суолу сырдаттын!*

#Табалаах орто оскуолатын салалтата.