А5а Дойдуну көмүскээччилэр күннэринэн Баатаҕай орто оскуолатыгар выпускникпытын, Чечня сэриитин уонна Анал байыаннай дьайыы кыттыылааҕын, Улуустааҕы бойобуой ...

А5а Дойдуну көмүскээччилэр күннэринэн Баатаҕай орто оскуолатыгар выпускникпытын, Чечня сэриитин уонна Анал байыаннай дьайыы кыттыылааҕын, Улуустааҕы бойобуой сырыылар бэтэрээннэрин түмсүүтүн салайааччытын Карпов Андрей Ивановиһы кытта истиҥ иһирэх көрсүһүү буолла. Андрей Иванович саллааттар бойобуой сырыыларын туһунан, Дойдуну эрэллээхтик көмүскүүргэ ханнык хаачыстыбалар наадаларын кэпсээтэ. Оскуола директора Бурнашева Алеанна Алексеевна ыалдьыттары, үөрэнээччилэри, учууталлары Аҕа Дойду көмүскээччилэрин күнүнэн эҕэрдэлээтэ, Андрей Ивановичка үөрэммит оскуолатын аатыттан Эҕэрдэ суругу, өйдөбүнньүк бэлэҕи туттарда. Кыргыттар ансаамбыллара "Катюша" ырыанан тэрээһини сэргэхситтилэр. Салгыы 3 спортивнай кулууптарынан 4 түһүмэхтээх күрэхтэһии ыытылынна. Командирдар ("Урааҥхайдар"- Ядрихинская Алиса, "Мохсоҕоллор"- Ушницкая Маша, "Хотойдор"-Рожина Саяна) күрэхтэһии кылаабынай судьуйатыгар Готовцев Ян Руслановичка күрэхтэһэргэ бэлэмнэрин туһунан рапорт биэрдилэр. Түһүмэхтэри кылаас салайааччылара, физкультура учууталлара Ядрихинскай А.А. Готовцев Я.Р. тэрийэн ыыттылар, түмүктэри таьаардылар. Викторина, ытыы, хаамыы, байыаннай ырыа уонна рапорт, ориентирование, плакат уруһуйа күрэхтэр түмүктэринэн 1 миэстэни ылары ситистилэр "Мохсоҕоллор", 2 миэстэ "Урааҥхайдар", 3 миэстэ "Хотойдор". Грамоталарынан, минньигэс аһынан бэлиэтэннилэр. Автоматы ытыыга уонна хомуйууга абсолютнай күрэх ыытылынна, Карпов Андрей Иванович дьүүллээтэ. Баҕалаах оҕолор кытыннылар. Уолаттарга 10 кылаас үөрэнээччитэ Сивцев Кирилл, кыргыттарга 9 кылаас үөрэнээччитэ Ушницкая Маша муҥутуур кыайыылааҕынан бэлиэтэннилэр. Бу тэрээһиҥҥэ үөрэнээччилэр кулууптарыгар бэриниилээхтэрэ, түмсүүлээхтэрэ, бэлэмнээхтэрэ көһүннэ.

#НавигаторыДетства #Росдетцентр #оЗащитникахНД