Сурукпут-бичикпит баарын тухары, биьиги сахалар самныахпыт суога

Сурукпут-бичикпит баарын тухары, биьиги сахалар самныахпыт суога.

Олунньу 13 күнүгэр сарсыардаттан сахалыы таҥастаах оҕолору, учууталлары, үлэһиттэри көрөн үөрдүм аҕай. Чахчы даҕаны сахалыы тыын, күүстээх санаа, Ийэ дойдуга бэриниилээх буолуу баарын бу сурук - бичик күнэ өссө дириҥник бигэргэттэ.
Баатаҕай орто оскуолатыгар Сурук- бичик күнүн уруйдаан - айхаллаан "Күн" оҕолорун түмсүүтэ, үөрэнээччилэр бука бары, учууталлар уонна оскуола бары үлэһиттэрэ олус бэркэ тэрийэн ыыттылар.
Бастаан утаа "Күн" түмсүүтүн оҕолоро 4-с кылаас үөрэнээччилэригэр " Сурук -бичик баарын тухары, биьиги сахалар самныахпыт суога" диэн өссө биир интириэһинэй айар уруогу ыыппыттара. Оҕолор олус бэркэ ис дууһаларыттан астынан туран араас ыйытыыларга, оонньууларга бэрт сэргэхтик, үөрэн -көтөн кыттыбыттара киһи харабар үлдьү быраҕыллар этэ. Сахалыы таҥастаах сытыы - хотуу кыргыттар, уолаттар кэпсээн - ипсээн, хоһоон ааҕан доргуппуттара олус бэрт этэ. Дьэ, маннык түгэннэргэ көстөр саха тыына баара. Онтон салгыы 1 кылаастан 11 кылаастарга диэри "Уол оҕо ааҕыыта " күрэх биир тыынынан ыытыллан өссө биир түһүлгэ үөрэнээччилэри түмпүтэ кэрэхсэбиллээх. Манна барыта 23 кылаас кытынна. Кылаас салайааччылара бука бары үөрэнээччилэрин олус кыһаллан туран бэлэмнээбиттэрэ өтө көстөр. Кылаас салайааччыларын түбүктээх үлэлэрин түмүгэ буоллаҕа.
"Уол оҕо ааҕыытын" күрэх түмүктэрин дьүүллүүр субэ маннык быһаарда:
Алын кылаастарга - маҥнайгы миэстэни ылла 4 "Б" кылаас.
Салайааччы: Горохова М.Д Иккис миэстэ тигистэ 4 "А" кылаас үөрэнээччилэригэр Салайааччы: Ефимова Т.Е. Үһүс миэстэ бэрилиннэ 2 "А" кылаас үөрэнээччилэригэр Салайааччы: Максимова Л.И.
Орто салаа оҕолоругар: Маҥнайгы миэстэни ыллылар 7 "Б" кылаас үөрэнээччилэрэ Салайааччы: Чирикова А.Д. Иккис миэстэ тигистэ 5 "В" кылаас үөрэнээччилэригэр
Салайааччы: Колесова Д.С.
Үһүс миэстэ бэрилиннэ
7 "В" кылаас үөрэнээччилэригэр Салайааччы: Эверстова А.Д.
Улахан кылаастарга маҥнайгы миэстэни ыллылар 11 "А" кылаас үөрэнээччилэрэ Салайааччы: Григорьева Л.Н. Иккис миэстэҕэ таҕыстылар 11 "Б" кылаас үөрэнээччилэрэ. Салайааччы: Юмшанова Г.П. Үһүс миэстэ бэрилиннэ 10 "Б" кылаас үөрэнээччилэригэр Салайааччы: Великороднева И.А.
Кыайыылаах кылаастарга Добун суруктар уонна кыттыбыт кылаастарга бука барыларыгар Туоһу суруктар туттарылыннылар.
Онтон салгыы 3 кылаас үөрэнээччилэригэр
"Сахам тыла биһигиттэн,
саһан-бүгэн хаалыма!"
диэн аһаҕас уруоктар бэрт тэрээһиннээхтик ыытыллыбыттара.
Ийэ тылбыт күнүн уруйдаан,
Сурук-бичик күнүн айхаллаан Баатаҕай орто оскуолата олус бэркэ бу күнүн атаарда.

Стручкова А.Н., Баатаҕай орто оскуолатын учуутала.