18+
Герб
Рекламный баннер 980x90px unterhead
Архив
Рекламный баннер 300x200px left-1
Мы в соцсетях
Рекламный баннер 300x600px left-2
Рекламный баннер 300x60px right-1
Рекламный баннер 300x60px right-2
На какой вопрос нельзя ответить "нет"?
Подробнее...

Сегодня, т

00:00 12.02.2025 16+
959
Сегодня, т.е. 12 февраля в рамках Декады якутской письменности ученица 7 "В " класса Алина Ерусланкина и ученик 5 "А" класса Руслан Игнатьев провели творческое занятие "Оьуор ойуу" для учащихся 6-х классов.

Ийэ тылбытыгар анаммыт айар түмсүүбүт сонуннара.

Олунньу 12 күнүгэр Баатаҕай орто оскуолатын 6 кылааһын үөрэнээччилэригэр "Сахабыт тыла — бэйэбит тылбыт" диэн тиэмэҕэ "Күн" оҕолоро өссө биир айар түмсүүнү тэрийэн ыыттыбыт.
Бастаан айар түмсүүбүтүн сахалыы хоһоонунан нуучча уола Игнатьев Руслан Леонид Попов суруйбут хоһоонун "Таптыыбын сахам сирин" уу сахалыы доргуччу ааҕан иһитиннэрдэ. Саха оҕолоро олус диэн сөхтүлэр уонна үөрэ иһиттилэр.
Руслан Игнатьев биһиги оскуолабытыгар
5 "А" кылааска ситиһиилээхтик үөрэнэр. Кини олус үчүгэйдик саахыматтыыр, дуобаттыыр, тустуук бэрдэ уонна "Күн" түмсүү актыыбынай кыттыылааҕа.
Онтон салгыы Семён Андреевич Новгородов туһунан иһитиннэриини оҥордубут. Кылгас ыйытыылар нөҥүө оҕолор былыргы олох- дьаһах, тыл кистэлэҥнэрин, сайдыытын уонна улуу дьоннорбут тустарынан төһө билэллэрин- ааҕалларын, интириэһиргииллэрин чинчийэн, кэтээн көрдүбүт.
Дьэ, онтон хомус тыаһыгар уйдаран сахалыы хоһооннору аахтыбыт. Салгыы "Оһуор ойуу" оонньуу нөҥүө күрэхтэри ыыттыбыт, оһуокайдаан да ыллыбыт.
Биһиги бу тэрээһиммитигэр оскуолабыт дириэктэрэ Людмила Николаевна Григорьева уонна иитэр - үлэҕэ солбуйааччыта Татьяна Сергеевна Смирнова, учууталбыт Светлана Николаевна Данилова ыалдьыттаатылар. Кинилэр кэлэн сэргээбиттэригэр, болбойон истибиттэригэр, биьигини өйөөбүттэригэр ис дууһабытыттан махтанабыт.
Онон, бүгүн эмиэ сахалыы тыыннаах биир бэртээхэй күн буолан ааспытыттан астынныбыт уонна дуоһуйа сынньанныбыт.
Сахам тыла — улуу баайбыт буоларын оголор биьиги өйдүөхтээхпит.
Ийэ тылбыт — биһиги дьолбут, киһи буолар кэскилбит буоларын билиэхтээхпит дии санаанан бүгуҥҥү күнүм сонунун түмуктүүбүн.

Алина Ерусланкина, Баатаҕай орто оскуолатын 7 "В" кылааһын үөрэнээччитэ.

12.02.2025 сыл.
Оставить сообщение